கனமழை தொடர்வதால் இன்று கடலூர் மாவட்டத்தில் பள்ளிகளுக்கு மட்டும் விடுமுறை அறிவித்து மாவட்ட ஆட்சியர் பாலசுப்பிரமணியம் உத்தரவிட்டுள்ளார் .தமிழகத்தில் 17 மாதங்களுக்குப் பிறகு 1 முதல் 8 ஆம் வகுப்பு மாணவர்கள் இன்று பள்ளிகள் திறக்கப்படுகிறது . இதையொட்டி , தொடக்கக் கல்வி இயக்குநரகம் பள்ளிகளுக்கு பல்வேறு வழிகாட்டு நெறிமுறைகளை வெளியிட்டது .அதன்படி 17 மாதங்களுக்குப் பிறகு பள்ளிக்கு வரும் மாணவர்களின் மனங்களை மகிழ வைக்க 10 முதல் 15 நாட்களுக்கு கதை , பாடல் , விளையாட்டு , வரைதல் , அனுபவம் பகிர்தல் போன்றவற்றை செய்ய அறிவுறுத்தப்பட்டுள்ளது .50% மாணவர்களுடன் பள்ளிகள் நடைபெறும் என்றும் , சுழற்சி முறையில் ஒருநாள் விட்டு ஒருநாள் மாணவர்களுக்கு வகுப்புகள் நடத்தப்படும் என்று தெரிவிக்கப்பட்டுள்ளது . முழுநாளும் வகுப்பு நடைபெறும் என்றும் தெரிவிக்கப்பட்டுள்ளது .இந்நிலையில் , கடலூர் மாவட்டத்தில் பள்ளிகளுக்கு மட்டும் விடுமுறை அளித்து மாவட்ட ஆட்சியர் உத்தரவு பிறப்பித்துள்ளார் . கடலூர் மாவட்டத்தில் கன மழை பெய்து வருகிறது . இந்த நிலையில் இன்று கனமழைக்கு வாய்ப்பு உள்ளதாக வானிலை மையம் அறிவித்துள்ளது .தாழ்வான பகுதிகளில் தண்ணீர் தேங்கி உள்ளது . பள்ளி வளாகங்களிலும் தண்ணீர் தேங்கி உள்ள நிலையில் , இன்று பள்ளிகளுக்கு மட்டும் ஒருநாள் விடுமுறை அறிவித்து மாவட்ட ஆட்சியர் பாலசுப்பிரமணியம் உத்தரவிட்டுள்ளார் .
#visilmedia #todaynewstamil #topnews #news #bignews #breakingnews #newsupdate #சிறப்புசெய்திகள் #தமிழகசெய்திகள் #பள்ளிவிடுமுறை #கனமழை #SchoolLeave
