தமிழக பா.ஜ., தலைவர் அண்ணாமலை மேற்படிப்புக்காக லண்டன் செல்ல உள்ளதால், தமிழகத்துக்கு புதிய தலைவர் அல்லது பொறுப்பு தலைவர் நியமிப்பது குறித்து, தேசிய தலைமை ஆலோசித்து வருகிறது.

இங்கிலாந்தில் இருக்கும் ஆக்ஸ்போர்டு பல்கலை, ‘சர்வதேச அரசியல்’ என்ற தலைப்பிலான சான்றிதழ் படிப்புக்காக, வரும் ஆகஸ்ட் இறுதியில் லண்டன் செல்லும் அண்ணாமலை, அடுத்தாண்டு துவக்கத்தில் தான் தமிழகம் திரும்ப வாய்ப்புள்ளது. நான்கு மாதங்களுக்கு தமிழக பா.ஜ.,வுக்கு தலைவர் இல்லாத சூழ்நிலை இருக்கக்கூடாது என்பதற்காக, மாற்று ஏற்பாடு குறித்து, மத்திய பா.ஜ., தலைமை ஆலோசித்து வருகிறது. கட்சியின் மூத்த தலைவர்களான நயினார் நாகேந்திரன், தமிழிசை சவுந்தரராஜன், ஏ.பி.முருகானந்தம், கருப்பு முருகானந்தம் ஆகியோரில் ஒருவரை, புதிய தலைவராகவோ அல்லது பொறுப்பு தலைவராகவோ நியமிக்கலாமா என்பது குறித்தும் தீவிர ஆலோசனை நடக்கிறது