சிறுமலையில் வீடுகளுக்கு வழங்கப்படுவது போல் புதிதாக உதிக்கும் ஹோம் ஸ்டே என்ற பெயரில் நடத்தப்படும் காட்டேஜ்களுக்கும் மின் இணைப்பு வழங்கப்படுவதால் அரசுக்கு லட்சக்கணக்கில் வரி இழப்பு.
திண்டுக்கல்லை அடுத்த சிறுமலை பகுதியில் பலர் வீடுகளை கட்டி ஹோம் ஸ்டே என்ற பெயரில் காட்டேஜ் – ஆக வாடகைக்கு விட்டு சம்பாதித்து வருகின்றனர். இது போனற காட்டேஜ்களுக்கு வீடுகளுக்கு என்ற பெயரில் மின் இணைப்பு விண்ணப்பித்து அனுமதியை பெறுகின்றனர். இதற்கு மின்வாரிய அதிகாரிகளும் ஒத்துழைப்பு கொடுக்கின்றனர். இதனால் அரசுக்கு லட்சக்கணக்கில் வரி இழப்பு ஏற்படுகிறது.
இதை மாவட்ட நிர்வாகம் கவனத்தில் கொண்டு பழைய மற்றும் புதிதாக காட்டேஜ்களில் ஆய்வு செய்து மின் இணைப்புகள் தொடர்பான ஆவணங்களை ஆய்வு செய்ய வேண்டும். முறைகேடு நடந்திருந்தால் சம்பந்தபட்ட அதிகாரிகள் மீது நடவடிக்கை எடுக்க வேண்டும் என்று சமூக ஆர்வலர்கள் வேண்டுகோள் விடுத்துள்ளனர்.
