தென்காசி மாவட்டம் சங்கரன்கோவில் அருகே உள்ள சேர்ந்தமரம் பகுதியை வெள்ளைச்சாமி என்பவரது மகன் அழகுதுரை. இவருக்கும் அதே பகுதியை சேர்நத கனகராஜ் என்பவருக்கும் குடும்ப முன் விரோதம் இருந்து வந்ததாக கூறப்படுகிறது. இந்நிலையில் கடந்த புதன்கிழமை வாக்கு வாதம் ஏற்பட்டுள்ளது. இதில் ஆத்திரம் அடைந்த அழகுதுரை, அன்று மாலை இருசக்கர வாகனத்தில் வந்து கொண்டிருந்த கனகராஜை அறிவாளால் கொலைவெறியுடன் தாக்கியுள்ளார். இதில் பலத்த படுகாயம் அடைந்த கனகராஜ் மருத்துவமனையில் அனுமதிக்கப்பட்டு தற்போது சிகிச்சை பெற்று வருகிறார். இச்சம்பவம் குறித்து சேர்ந்த மரம் காவல் துறையினர் வழக்கு பதிவு செய்து விசாரணை நடத்திவருகின்றனர். மேலும் தலைமறைவாக உள்ள அழகுராஜை வலைவீசி தேடி வருகின்றனர். இந்நிலையில் சம்பவ நிகழ்ந்த பொழுது அங்கிருந்த சிசிடிவியில் பதிவான வீடியோ காட்சிகள் வெளியாகி பரபரப்பை ஏற்படுத்தி உள்ளது.
