தூத்துக்குடி மாவட்டம் முத்தையாபுரம் முஸ்லிம் தெருவைச் சேர்ந்தவர் சம்சுதீன் மகன் சதாம் உசைன் (30). இவருடைய வீட்டில் கடந்த 21.07.2021 அன்று 6 செல்போன்கள் திருடு போயுள்ளது.
இதுகுறித்து சதாம் உசேன் அளித்த புகாரின் பேரில் முத்தையாபுரம் காவல் நிலைய போலீசார் விசாரணை மேற்கொண்டதில் முத்தையாபுரம் தங்கம்மாள்புரத்தை சேர்ந்த முத்துலிங்கம் மகன் முத்துக்குமார் (19) மற்றும் தங்கவேல் மகன் பெரியதுரை (20) ஆகியோர் சேர்ந்து செல்போன்களை திருடியது தெரியவந்தது.
இதுகுறித்து முத்தையாபுரம் காவல் நிலைய உதவி ஆய்வாளர் திரு. ராஜேஷ் கண்ணன் வழக்குப்பதிவு செய்து எதிரிகள் இருவரையும் கைது செய்தார். மேலும் அவர்களிடம் இருந்து திருடப்பட்ட ரூபாய் 66,000/- மதிப்பிலான 6 செல்போன்களும் பறிமுதல் செய்யப்பட்டது.
