அறுந்து கிடந்த மின் வயரை மிதித்த முதியவரும் காப்பாற்ற முயன்ற வாலிபரும் பலி

மயிலாடுதுறை மாவட்டம் சீர்காழியை அடுத்த திட்டை ரோடு சர்ச் அருகே லாரி மோதி சாலையின் குறுக்கே சென்ற மின்சார வயர் அறுந்து கிடந்துள்ளது எதிர்பாராதவிதமாக இன்று காலை அவ்வழியே சென்ற தில்லைவிடங்கன் கிராமத்தைச் சேர்ந்த சிங்காரவேல் 65 என்பவர் அந்த ஒயரை மிதித்ததில் மின்சாரம் தாக்கி சம்பவ இடத்திலேயே பலியானார் அதனைக் கண்ட குளங்கரை பகுதியை சேர்ந்த அரவிந்தன் 25 என்பவர் முதியவரை காப்பாற்ற முயன்றுள்ளார் அப்போது அவரையும் மின்சாரம் தாக்கியதில் துடிதுடித்து சம்பவ இடத்திலேயே உயிரிழந்தார் இதுகுறித்து தகவல் அறிந்த சீர்காழி போலீசார் சம்பவ இடத்திற்கு விரைந்து வந்து மின்சாரம் தாக்கி உயிரிழந்த இருவரின் உடலையும் கைப்பற்றி பிரேத பரிசோதனைக்காக சீர்காழி அரசு மருத்துவமனைக்கு அனுப்பி வைத்ததுடன் வழக்குப்பதிந்து விசாரணை மேற்கொண்டுள்ளனர் சம்பவம் அப்பகுதியில் சோகத்தை ஏற்படுத்தியுள்ளது