குருத்தோலை பவனி

புனித லூர்து அன்னை பேராலயத்தில் குருத்தோலை பவனி

பொள்ளாச்சி புனித லூர்து அன்னை பேராலயத்தில் குருத்தோலை பவனி வெகு விமர்சையாக  நடைபெற்றது.
இயேசு கிறிஸ்து 40 நாட்கள் உபவாசம் இருந்ததை நினைவு கூறும் வகையில், கிறிஸ்தவர்கள் ஆண்டு தோறும் 40 நாட்கள் தவக்காலம் கடைபிடித்து வருகின்றனர். அதன்படி இந்த ஆண்டு தவக்காலம் கடந்த பிப்ரவரி மாதம் 2ம் தேதி சாம்பல் புதனுடன் தொடங்கியது. அதனை தொடர்ந்து குருத்தோலை ஞாயிறையொட்டி கோவை மாவட்டம் பொள்ளாச்சியில் உள்ள புனித லூர்து அன்னை பேராலயத்தில் குருத்தோலை ஞாயிறு இன்று கொண்டாடப்பட்டது. 

பேராலயத்தின் பங்குத்தந்தை ஜேக்கப் அடிகளார் தலைமையில் நடைபெற்ற சிறப்பு திருப்பலியில் பங்கு தந்தைகள் மற்றும் ஆயிரக்கணக்கான பக்தர்கள் பங்கேற்றனர். தொடர்ந்து நடைபெற்ற குருத்தோலை பவனியில்  திரளான பக்தர்கள் கலந்து கொண்டு குருத்தோலைகளை கையில் ஏந்தியப்படி கீர்த்தனைகள் பாடியவாறு பவனியாக சென்றனர். அதனை தொடர்ந்து பேராலயத்தில் சிறப்பு திருப்பலிகள் நடைபெற்றன.