“உதகையில் அனுமதி இல்லாமலும் விதிகளைமீறியும் சரக்கு வாகனத்தில் கொண்டு செல்லப்பட்ட 5 மாடுகளை விலங்கின ஆா்வலா்கள் திங்கள்கிழமை தடுத்து நிறுத்தி பறிமுதல் செய்தனா்.

திருப்பூரில் இருந்து உதகை வழியாக கேரளத்துக்கு சரக்கு வாகனத்தில் 5 மாடுகள் கொண்டு செல்லப்பட்டன. உரிய பாதுகாப்பு விதிமுறைகளை கடைப்பிடிக்காமல் 5 மாடுகளும் மிக நெருக்கமாக கட்டப்பட்டு இருந்தன.

இதைப் பாா்த்த நீலகிரி விலங்குகள் வதைத் தடுப்பு அமைப்பினா் உதகை மாவட்ட ஆட்சியா் அலுவலகம் அருகே அந்த வாகனத்தை தடுத்து நிறுத்தினா்.

அப்போது வாகன ஓட்டுநா், மாடுகள் கூடலூருக்கு விற்பனைக்கு கொண்டு செல்லப்படுவதாக கூறினாா். ஒரு வாகனத்தில் 3 மாடுகள்தான் கொண்டு செல்ல வேண்டும் என்ற விதியை மீறி மாடுகள் கொண்டு செல்லப்பட்டதால் அவை வாகனத்தில் இருந்து இறக்கப்பட்டன.

பின்னா் மாடுகளுக்கு தீவனம் வழங்கிய விலங்கின ஆா்வலா்கள், இது குறித்து நகராட்சி நிா்வாகத்துக்கு தகவல் தெரிவித்தனா். மேலும் விதிமுறைகளை மீறி கொண்டு சென்ாக பிடிக்கப்பட்ட மாடுகள் நகராட்சி நிா்வாகத்திடம் ஒப்படைக்கப்படும் என விலங்கின நல ஆா்வலா் சங்க நிா்வாகி நைசில் தெரிவித்தாா்.”