ஜோ லாராவும், அவரது மனைவி க்வென் எஸ்.லாராவும் டென்னெஸ்ஸே விமான நிலையத்திலிருந்து ஃப்ளோரிடாவுக்கு சிறிய ரக விமானத்தில் புறப்பட்டு சென்றனர். அந்த விமானம் நாஷ்வில் அருகே நொறுங்கி விபத்துக்குள்ளானது என்பதை ரூத்தர்போர்ட் பகுதியை சேர்ந்த மீட்புக்குழு உறுதி செய்துள்ளது. இதில் மொத்தம் 7 பேர் பயணித்ததாக கூறப்படுகிறது.அவர்கள் உயிரோடு இருப்பதற்கான சாத்தியக்கூறுகள் குறைவு எனவும் உடைந்த விமான பாகங்கள் மற்றும் உடல்களை தேடும் பணி தீவிரமாக நடைபெறுகிறது. இதில் விமானத்தின் உடைந்த பாகங்கள் சிலவும், மனித உடல் பாகங்கள் சிலவும் கிடைத்துள்ளதாக தெரிவிக்கப்பட்டுள்ளது.ஜோ லாராவும், க்வென்னும் 2018 ஆம் ஆண்டு திருமணம் செய்துகொண்டனர். இவர்களுக்கு இரண்டு குழந்தைகள் உள்ளனர்.இவர் 1989 ஆம் ஆண்டு வெளியான டார்ஸான் இன் மேன்ஹேட்டன் திரைப்படத்தின் மூலம் பிரபலமானவர்.மேலும் அமெரிக்கன் சைபாக்: ஸ்டீல் வாரியர்’, ‘ஸ்டீல் ஃப்ராண்டியர்’, ‘ஹாலோக்ராம் மேன்’ உள்ளிட்ட படங்களிலும், ‘டார்ஸான் தி எபிக் அட்வென்ச்சர்ஸ்’ என்கிற தொலைக்காட்சித் தொடரிலும் ஜோ நடித்துள்ளார். 1993ஆம் ஆண்டு ‘பே வாட்ச்’ தொடரின் ஒரு பகுதியிலும் நடித்திருந்தார்.
