சங்கரன்கோவில் அருகே வியாபாரி பணத்திற்காக கழுத்து அறுத்து கொலை. குளத்தில் கிடந்த ஆண் சடலம் அடையாளம் தெரிந்தது

தென்காசி மாவட்டம் சங்கரன்கோவில் அருகே மலையன்குளம் பகுதியில் கண்மாயில் கழுத்து அறுக்கப்பட்டும், தலை மற்றும் உடல் முழுவதும் வெட்டு காயங்களுடனும் ஆண் சடலம் கிடந்தது. இதனையடுத்து சம்பவ இடத்திற்குச் சென்ற காவல்துறையினர் கொடூர கொலைக்கு ஆளானவர் யார். யாரால் கொலை செய்யப்பட்டார், அவர்களின் விவரம் பற்றி விசாரணை நடத்தி வந்தனர். அவ்விசாரணையில் இறந்த நபரின் பெயர் செந்தில் என்பதும் அருப்புகோட்டை பகுதியில் நகை தொழில் செய்து வந்ததும் தெரிய வந்துள்ளது, கடந்த திங்கள் கிழமை காலையில் சங்கரன்கோவிலை சேர்ந்த ஒரு நபர் தங்க நகைகள் வைத்திருப்பதாகவும் அதை பெற்று கொண்டு பணம் கேட்டதாக கூறி சங்கரன்கோவிலுக்கு தனது காரில் 3 லட்சம் பணத்துடன் சென்றுள்ளார். இந்நிலையில் அவரது செல்போன் தொடர்பு துண்டிக்கப்பட்டு அவரை தொடர்பு கொள்ள முடியாமல் அவரை தேடி உறவினர்கள் சங்கரன்கோவில் வந்தனர். மேலும் அவரது செல்போன் மற்றும் அவர் கொண்டு வந்த பணம் 3 லட்ச ரூபாய் காணாமல் போனதும் தெரிய வந்துள்ளது. இதனால் அவர் 3 லட்ச ரூபாய் பணத்திற்காக கடத்தி கொலை செய்யப்பட்டு இருக்கலாம் என்ற கோணத்தில் குருவிகுளம் காவல்துறையினர் விசாரணை நடத்தி வருகின்றனர். அவரது உடல் பிரேத பரிசோதனைக்காக சங்கரன்கோவில் அரசு மருத்துவமனையில் அனுமதிக்கப்பட்டுள்ளது. சங்கரன்கோவில் பகுதிகளில் தொடர்ந்து குற்ற சம்பவங்கள் அதிகரித்து வருவதால் பொதுமக்கள் அச்சம் அடைந்துள்ளனர்.