கள்ளக்குறிச்சி கலெக்டர் அலுவலகத்தில், அரசு அலுவலர்கள் இந்திய அரசியலமைப்பு தின உறுதிமொழி ஏற்றுக்கொண்டனர். இந்திய அரசியலமைப்புச் சட்டம் ஏற்றுக்கொள்ளப்பட்ட நாளான நவ. 26ஆம் தேதி, அரசியலமைப்பு நாளாக அரசால் கடைபிடிக்கப்பட்டு வருகிறது. அதன்படி கலெக்டர் அலுவலகத்தில் 75வது இந்திய அரசியலமைப்பு தினத்தை முன்னிட்டு கலெக்டர் பிரசாந்த் தலைமையில் அனைத்துத் துறை அரசு அலுவலர்கள் இந்திய அரசியலமைப்பு தின உறுதிமொழியை ஏற்றுக்கொண்டனர். இதில் எஸ்.பி., ரஜத் சதுர்வேதி, கலெக்டரின் நேர்முக உதவியாளர் (பொது) தனலட்சுமி, ஆர்.டி.ஓ., வார்துசாமி உள்ளிட்ட அனைத்துத் துறை அரசு அலுவலர்கள் கலந்துகொண்டனர்.