திருவண்ணாமலை தெற்கு மாவட்ட மதிமுக சார்பில், விடுதலைப் புலிகள் தலைவர் பிரபாகரனின் 70-ஆவது பிறந்த நாள் விழா நேற்று கொண்டாடப்பட்டது. திருவண்ணாமலை பெரிய தெருவில் உள்ள தெற்கு மாவட்ட அலுவலகத்தில் நடைபெற்ற விழாவுக்கு, தெற்கு மாவட்டச் செயலர் சீனி. கார்த்திகேயன் தலைமை வகித்தார்.மாநில தணிக்கைக் குழு உறுப்பினரும், வழக்குரைஞருமான எஸ். எல். பாசறை பாபு, தலைமை செயற்குழு உறுப்பினர் முருகன், மாநகரச் செயலர் கிருஷ்ணமூர்த்தி ஆகியோர் முன்னிலை வகித்தனர். இதில், மெழுகுவர்த்தி ஏந்தி விடுதலைப் புலிகள் தலைவர் பிரபாகரனுக்கு மரியாதை செலுத்தப்பட்டது. நிகழ்ச்சியில், மதிமுக மாவட்ட துணைச் செயலர் கே. நாகராஜ், பொதுக்குழு உறுப்பினர்கள் முருகன், மாணிக்கவாசகம், ராஜேந்திரன், ஒன்றியச் செயலர்கள் சீதாராமன், சின்னையன் உள்பட பலர் கலந்துகொண்டனர்.
